兵工厂防守胜旧时

2019/08/17

文:黄兴桂

今晚英超头场阿仙奴主场对般尼,「兵工厂」首周作客纽卡素,凭奥巴美扬灵光一闪奠定胜局,最令球迷开心係佢哋保住不失,证明防线比以前更稳定,今晚迎战「私房菜」般尼,再下一城甚至大捷难度不大。(Now 621周六晚7时30分直播)

至于重头战曼城主场对热刺,「蓝月亮」首轮狂派韦斯咸5蛋,锋芒毕露,而且上届欧联8强畀热刺淘汰,正係对手两度因VAR判决而获益,今晚点都要报仇。讲开VAR,今季英超全面使用呢项科技,纵使偶尔令比赛有所停顿,但确能做到公平公正、减少误判。

利物浦踢得密伤唔起

点解我今日唔推介利物浦,一来佢哋因上季要出战欧联决赛,比其他球队迟两周收咧,二来今夏又有多名主力要踢「太公波」,加上周中欧超杯恶斗完车路士,耗力不小。我上周讲过今季睇好利物浦,但查实佢哋最大对手係自己,其中门神艾利臣比加已经因伤要抖,中坚华基尔云迪积克、「埃及文明」锋线亦都「伤唔起」,主帅高普点样轮换减低伤患嘅影响,将成争标关键。